Ուկրաինայի մշակույթի նախարարությունը որոշել է տոտալիտարիզմի թանգարան ստեղծել, որի ցուցանմուշների շարքում ընդգրկված են լինելու կոմունիստական առաջնորդների արձանները, որոնք նոր օրենքի համաձայն ապամոնտաժվելու են:
«Գերագույն Ռադայի կողմից հակակոմունիստական օրենքների փաթեթ ընդունելուց հետո, համաձայն որոնց կոմունիզմը ճանաչվել է հանցավոր ահաբեկչական ռեժիմ, իսկ հետապնդող մարմինների արխիվները բացվելու են, անհրաժեշտ է ստեղծել այդ արյունոտ դարաշրջանի թանգարան»,- ասել է մշակույթի նախարար Վյաչեսլավ Կիրիլենկոն:
Ապրիլի 9-ին Ուկրաինայի Գերագույն ռադան օրենք էր ընդունել, որոնք արգելվում էին կոմունիտսկան եւ նացիոնալ-սոցիալիստական ռեժիմները եւ նրանց սիմվոլիկան Ուկրաինայում: