2011 թ էր, Մոնիկ Հարլեյնի հետ վերադառնում էինք Հայաստան Մոնակոյից: Այս մասին պատմում է Ֆրանսիայի 78-ամյա քաղաքացուհու սպանություն կատարելու կասկածանքով հետախուզվող 48-ամյա Գեւորգ Խ.-ն: «Հայաստան եկանք, ամեն ինչ նորմալ էր, հանգիստ էր, եկանք մեր տուն, քանի որ ես նրան ընդունեցի, որ առաջին անգամ էր եկել, հյուրանոց չվերցրինք: Մի հատ շամպայն բացեցինք, խմում, խոսում էինք, հետո հայկական կոնյակի ցանկություն առաջացավ, մի երկու բաժակ կոնյակ խմեցինք, հետո մի հատ էլ շամպայն բացեցի, խմեցինք, թուլացած ընկավ բազմոցին...:Վախի ազդեցության տակ փորձեցի թաքցնել դիակը»,-պատմում է մեղադրյալը:
Նա կալանավորվել է ապրիլի 15-ին, մեղադրվում է 2011 թվականին Ֆրանսիայի 78-ամյա քաղաքացուհու սպանություն կատարելու համար: Վերջինս նույն թվականի դեկտեմբերին Հայաստանում, Փարաքար գյուղում սպանել էր մի կնոջ, ում հետ տեղափոխվել էր Ֆրանսիայից: Ընկերուհին Ֆրանսիայի քաղաքացի Մոնիկ Հարլեյն էր: Հայաստան տեղափոխվելուց որոշ ժամանակ անց կնոջը գտել էին սպանված: Քննության ընթացքում պարզվել է, որ սպանելուց հետո Գեւորգ Խ.-ն հափշտակել էր նրա բանկային քարտերը եւ 2012-ի հունվարին տեղափոխվել Մարոկկոյի Մարաքեշ քաղաք եւ ապրել Մոնիկ Հարլեյի առանձնատանը` տիրանալով նրա ողջ կարողությանը: