Օսմանյան կայսրությունում Հայոց ցեղասպանության 100-րդ տարելիցի նախաշեմին Մոսկվայում օծել են Հայկական եկեղեցու շինարարության վայրը:
Հայ Առաքելական եկեղեցու Ռուսաստանի թեմի առաջնորդ, արքեպիսկոպոս Եզրաս Ներսիսյանը ՏԱՍՍ գործակալությանն ասել է, որ տաճարը կհավերժացնի Առաջին եւ Երկրորդ աշխարհամարտերի զոհերի եւ զինվորների հիշատակը: «Տաճարը վեր կխոյանա Հաղթանակի զբոսայգում: Դա փոքրիկ շինություն կլինի, սակայն, բացի եկեղեցուց, այնտեղ կարող է տեղակայվել երկու աշխարհամարտերում զոհված հայերին նվիրված թանգարան»,- նշել է արքեպիսկոպոսը:
«Անհրաժեշտ միջոցներն արդեն հավաքված են, Աստծո օգնությամբ առաջիկայում կսկսենք շինարարությունը»,- հավելել է նա: Նախատեսվում է այն ավարտել այս տարվա ընթացքում:
Հաղթանակի զբոսայգում արդեն ուղղափաձ եկեղեցի, մզկիթ, սինագոգ կա, ինչպես նաեւ բուդդայական ստուպա: Հայկական տաճարը կլրացնի այդ համալիրը:
