Փրկարար ծառայությունն ապրիլի 20-ին, ժամը 23.14-ին ահազանգ է ստացվել, որ Երեւանի Դավիթ Անհաղթ եւ Ռուբինյանց փողոցների խաչմերուկում տեղի է ունեցել ՃՏՊ, առկա է գազի արտահոսք. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ դեռեւս չբացահայտված հանգամանքներում բախվել են «Լունա» տաքսի ծառայությանը պատկանող «Օպել» մակնիշի 13AA333 պ/հ (վարորդ Ռ. Ռ. ծնվ. 1983թ.) եւ «Մասիվ» տաքսի ծառայությանը պատկանող «ԲԻԴ» մակնիշի Լ3930 պ/հ (վարորդ Ա. Ե., ծնվ. 1985թ.) ավտոմեքենաները: Տուժածներ չկան:
Հրշեջ-փրկարարները անջատել են ավտոմեքենաների մարտկոցները եւ փակել «ԲԻԴ» մակնիշի ավտոմեքենայի գազի բալոնի փականը: