ԱՄՆ եւ Իրանի քաղաքացիություն ունեցող Ջեյսոն Ռեզայանը 9 ամիս առաջ ձերբակալվել էր Թեհրանում։
Լրտեսության հետ մեկտեղ Իրանի Իսլամական Հանրապետության իշխանությունները նրան մեղադրում են թշնամական պետության հետ համագործակցելու եւ հակաիրանական քարոզչության մեջ։
ԱՄՆ Պետդեպարտամենտի ներկայացուցիչը հայտարարել է, որ Վաշինգտոնը Իրանից ամերիկյան պարբերականի աշխատակցին ներկայացրած մեղադրանքների պաշտոնական հաստատում չի ստացել։ Նա Իրանին կոչ է արել անհապաղ ազատ արձակել լրագրողին։
Ռեզայանի փաստաբանի խոսքով՝ դատախազությունը կալանավորվածի մեղքն ապացուցող ոչ մի ապացույց չի ներկայացրել։ Մեղադրանքները պայմանավորված են նրա լրագրողական գործունեության հետ։