Սիդնեյում եւ նրանից հյուսիս ընկած ափամերձ քաղաքներում մոտ 130 հազար տուն փոթորկի պատճառով մնացել է առանց էլեկտրականության։ Ինչպես ապրիլի 20-ին հայտնել են օդերեւութաբանական ծառայության ներկայացուցիչները, քամու արագությունը անցյալ գիշեր հասել է վայրկյանում 37.5 մետրի։ Մի շարք շրջաններում հորդառատ անձրեւները հեղեղումներ են առաջ բերել։
Ավստրալիայի խոշորագույն քաղաքի փողոցներում տապալված են ծառերը, շատ մայրուղիներում փակ է երթեւեկությունը։ Քաղաքային իշխանությունները փակել են դպրոցների մեծ մասը, գրում է ՏԱՍՍ-ը։
Օդերեւութաբանները հաղորդում են, որ ապրիլի 20-ը Սիդնեյի վերջին 13 տարիների պատմության ընթացքում ամենաանձրեւոտ օրն է եղել։ Ապրիլի 22-ին քամին կհանդարտվի, եւ եղանակային պայմանները կբարելավվեն։