Իտալիայում կալանավորել են Միջերկրական ծովում խորտակված նավի կապիտանին։ Նրան եւ անձնակազմի եւս մեկ անդամի կասկածում են մարդկանց մաքսանենգության մեջ, գրում է BBC-ն։

Ավելի վաղ ՄԱԿ-ի հաշվարկներով հայտնի էր դարձել, որ աղետից զոհվել է 800 մարդ։ Ապրիլի 19-ի գիշերը Հյուսիսային Աֆրիկայից ներգաղթյալներ տեղափոխող նավակը խորտակվել էր Իտալիայի Լամպեդուզա կղզու ափերի մոտ։ Ջրից հաջողվել էր փրկել 28 մարդու, որոնց թվում՝կապիտանին, գրում է РСН-ը։

Եվրամիությունն արդեն միջոցներ է ձեռնարկում Միջերկրական ծովով ապօրինի ներգաղթյալների հոսքի դեմ պայքարելու  համար։ Պլանավորվում է արշավ սկսել մաքսանենգերին պատկանող նավերի ոչնչացման համար։