Հայկական Supacooks նախագիծը և իտալացի DJ/երաժիշտ Rockaforte-ը համատեղ Մեծ եղեռնի զոհերի հիշատակին նվիրված ստեղծագործություն են գրել: Այս մասին NEWS.am-ի հետ զրույցում ասաց Supacooks նախագծի անդամ Լեւոն Դավթյանը:

«Միտքն առաջացավ մի քանի օր առաջ: Մենք առաջարկեցինք իտալացի երաժիշտին, նա էլ համաձայնվեց: Ինտերնետով ենք համագործակցել, իտալացի երաժիշտն է սկսել, մենք շարունակել ենք, ու այդպես ստացվեց ստեղծագործությունը»,-ասաց Լեւոն Դավթյանը՝ նշելով, որ իտալացի երաժիշտը մինչեւ ստեղծագործությունը գրելը ծանոթացել է հայոց պատմությանը:

Լեւոնը նշեց, որ իրենց նպատակն է, որ Եվրոպայում հնարավորինս շատ մարդիկ իմանան Հայոց ցեղասպանության մասին:

«Մեր խմբի գործուենությանը Եվրոպայում շատ են հետեւում եւ կարծում եմ՝ այս ստեղծագործության շնորհիվ շատերը կիմանան Ցեղասպանության մասին»,-ասաց նա: