Թուրքիայի ոչ ադեկվատությունը ձեռնտու է Հայաստանին: Այս մասին, այսօր՝ ապրիլի 21-ին, լրագրողների հետ հանդիպման ժամանակ հայտարարել է ԱԺ արտաքին հարաբերությունների հանձնաժողովի փոխնախագահ, ՀՀՇ վարչության անդամ, ԱԳ նախկին նախարար Ալեքսանդր Արզումանյանը՝ մեկնաբանելով Թուրքիայի վարչապետ Ահմեդ Դավուօղլուի հայտարարությունը:
«Միջազգային ճնշման տակ Թուրքիան փորձում է ինչ-որ քայլեր ձեռնարկել, որոնք ոչ ադեկվատ են ստացվում եւ դրանով նպաստում հակաթուրքական տրամադրությունների էլ ավելի տարածմանը: Այսինքն, նման հայտարարություններով նա պարզապես օգնում է հայկական կողմին»,-հավելել է Արզումանյանը:
Նշենք, որ ապրիլի 20-ին Թուրքիայի վարչապետ Ահմեդ Դավութօղլուն իր հայտարարությունում նշել է. «Ընդհանրացնելու ճանապարհով ամբողջ պատասխանատվությունը թուրք ժողովրդի վրա գցելը, անգամ ատելության խոսեր ավելացնելը վիճելի է ինչպես խղճի, այնպես էլ իրավական առումներով»:
