Շիաները Իրաքի նախկին նախագահ Սադամ Հուսեյնի աջ ձեռքը համարվող, նրա ենթադրյալ տեղակալի մարմինը թափանցիկ դագաղով հանձնել են Իրաքի կառավարությանը։ Այս մասին գրում է The Washington Post-ը։
Ավելի վաղ հաղորդվում էր, որ Իզաթ Իբրահիմ ադ Դուրին երկրի հյուսիսում սպանվել է հատուկ ռազմական գործողությունների արդյունքում։ Ինչպես նաեւ հաղորդվում էր, որ Իրաքի «Բաաս» քաղաքական կուսակցության ներկայացուցիչը հերքել էր Ադ Դուրիի մահը։
Պարբերականի հաղորդմամբ՝ Հուսեյնի ենթադրյալ օգնականի մարմինը թափանցիկ դագաղով են հանձնել, որպեսզի հավաքված մարդիկ եւ լրագրողները կարողանան այն տեսնել։ Բաղդադում ԱՄՆ դեսպանատունը չի կարողացել հաստատել, թե Իրաքի կառավարությունը ԴՆԹ անալիզ վերցնելու համար նմուշներ խնդրել է, թե ոչ։
