Ռուսաստանի կողմից իրականացվող, Թուրքիայի տարածքով Սեւ ծովի հատակով դեպի Հունաստան մտնող «Թուրքական հոսք» գազատարը պետք է ամբողջովին համաձայնեցված լինի ԵՄ չափանիշներին։ Այս մասին ապրիլի 21-ին հայտարարել է էներգետիկ միության հարցերով Եվրահանձնաժողովի փոխնախագահի մամուլի քարտուղար Աննա Քաիսա Իթքոնենը, փոխանցում է ՏԱՍՍ-ը։
«Մենք պատրաստ ենք տեխնիկական գնահատական տալ նախագծին միայն այն ժամանակ, երբ մենք կկարողանանք տեսնել դետալները։ Այս, ինչպես նաեւ «Հարավային հոսք» նախագծերի համար մենք կարող ենք ասել, որ Եվրամիության տարածքով անցնող բոլոր գազատարները պետք է ամբողջովին համաձայնեցված լինեն ԵՄ չափանիշներին»,- ասել է նա։