News
Լրահոս
News
Հինգշաբթի
Մարտ 28
Տեսնել լրահոսը

Ազգային ժողովի Տարածքային կառավարման եւ տեղական ինքնակառավարման հանձնաժողովի փորձագետ Վահագն Գեւորգյանը պատրաստվում է առաջադրվել Աբովյանում կայանալիք քաղաքապետի ընտրություններին եւ վստահ է, որ հասնելու է հաղթանակի: Այս մասին NEWS.am-ի թղթակցի հետ զրույցում ասաց Վահագն Գեւորգյանը:

Նա նշեց, որ առաջին գումարումից աշխատում է Աժ-ում, երբեւէ կուսակցական չի եղել,  այժմ էլ պատրաստվում է առաջադրվել որպես անկուսակցական թեկնածու: «Ես երբեւիցե Գագիկ Ծառուկյանի օգնականը չեմ եղել, ես ԱԺ-ում եղել եմ պետծառայող, եղել եմ ԱԺ պաշտպանության, ներքին գործերի, անվտանգության հանձնաժողովի գլխավոր խորհրդատու, այնուհետեւ աշխատել եմ տարածքային կառավարման եւ տեղական ինքնակառավարման հանձնաժողովում:  Իսկ թե ինչի եմ իմ անունը կապում Ծառուկյանի հետ, որովհետեւ նա մեր քաղաքից ընտրված պատգամավոր է, մտահոգ է մեր քաղաքի խնդիրներով, մեր քաղաքի պատվավոր քաղաքացի է, ես էլ խորհրդարանում աշխատելու տարիներին ինչով կարողացել, աջակցել եմ պարոն Ծառուկյանին, դրա համար շատերի մոտ ասոցացվում է, թե ես իր օգնականն եմ, ինչը ինձ համար մեծ պատիվ է»:

Ինչ վերաբերում է Ծառուկյանի թեկնածու լինելու եւ իշխանությունների կողմից «դաբրո» ունենալու մասին խոսակցություններին, Վահագն Գեւորգյանն ասաց հետեւյալը. «Ընդհանրապես ոչ մեկն ինձ «դաբրո» չի տվել,  դա իմ նախաձեռնությունն է եղել, ինչի մասին տեղեկանալով՝ ես խոսել եմ Ծառուկյանի հետ, հայտնել եմ, որ առաջիկա ընտրություններին առաջադրվելու եմ, պարոն Ծառուկյանը, ճանաչելով ինձ, իր հավանությունն է տվել»: Իսկ թե ինչով կօգնի Ծառուկյանի Վահագն Գեւորգյանին՝ գումարային հարցով, բարոյական կողմով, ապագա թեկնածուն ասաց, որ գումարային հարցով որեւէ աջակցություն ոչ մեկից չի սպասում, իսկ պարոն Ծառուկյանի իր կողքին լինելը մեծ աջակցություն է համարում: «Պարոն Ծառուկյանը Աբովյանում մեծ հարգանք է վայելում, չգիտեմ՝  իմ կողքին կկանգնի, թե ոչ՝ հաշվի առնելով վերջին դեպքերից հետո իր հայտարարությունը որ ինքը մեծ քաղաքականությունից հեռանում է, կարող եմ ասել, որ նա միայն հավանություն է տվել, ուրիշ պայմանավորվածություն չունենք»:

Իսկ թե ում է համարում իրեն մրցակից թեկնածու՝ Ծառուկյանի սանիկ Արթւոր Հարությունյան, նախկին քաղաքապետ Կարո Իսրայելյան, Վահագն Գեւորգյանն ասաց, որ բոլորին ճանաչում է, հարգում է, թող ընտրությունների օրը հայտնի լինի, թեկնածուներ առաջադրվեն, այդ ժամանակ կանդրադառնա:

Նշենք, որ Գագիկ Ծառուկյանի փեսան՝ Աբովյանի քաղաքապետ Կարապետ Գուլոյանը նշանակվել էր Կոտայքի մարզպետ: Կառավարության ապրիլի 22-ի նիստում պետք է որոշում կայացվի արտահերթ ընտրություններ անցկացնելու մասին: Ամենայն հավանականությամբ, Աբովյանում քաղաքապետի ընտրությունները կկայանան հունիսի 7-ին:

Տպել
Կարդացեք նաև
Ամբողջը
«Միասին» շարժումը կոչ է անում ԱԺ ուժերին Փաշինյանին անվստահություն հայտնելու ԱԺ որոշման նախագիծ ներկայացնել
ՀՀ նշյալ օրենքների պահանջով նա պետք է իրականացներ բացառապես այդ ծրագրի շրջանակներում տեղավորվող ներքին և արտաքին քաղաքական ուղեգիծ…
«Փաստ». Պատվավոր հյուպատոսների ավտոմեքենաներին հատկացվելու են «H» տառը պարունակող կարմիր հիմնագույնի համարանիշեր
Որոշման 2-րդ հավելվածի 28-29-րդ կետերի համաձայն՝ ՀՀ-ում հավատարմագրված դիվանագիտական...
«Հրապարակ». ՔՊ-ականներն այլեւս առաջվանը չեն. նրանց սիրտը վախ է ընկել
Ընդ որում՝ տուժողներն առաջին հերթին իրենք են լինելու, ոչ թե իշխանության վերին էշելոնի ներկայացուցիչները...
«Փաստ». Հասարակության վրա փորձում է վախ ծախել
Այ, գնաց Գյումրի, երկարաշունչ ելույթ ունեցավ իր կուսակցության «նախաձեռնող խմբի» հետ հանդիպման...
«Հրապարակ». Փաշինյանը զարմացել է, որ ժողովուրդն այսքան տարի իրենց հանդուրժում է
ՔՊ-ում տարբեր մեկնաբանություններ են տվել այդ արտահայտությանը, որ երեւի նկատի ունի այն, որ հեղափոխական...
«Ժողովուրդ».«Ամիօ բանկ»-ը վերաբրենդավորումից հետո սկսել է ֆիզիկական և իրավաբանական անձանց հարկադիր սնանկացման գործընթաց
«Ժողովուրդ» օրաթերթը դատական տեղեկատվական համակարգից տեղեկացավ, որ նոր անվանափոխված «Ամիօ»...
Ամենաշատ