Հռոմի Պապ Ֆրանցիսկոս Առաջինը ընդունել է ԱՄՆ Քանզաս Սիթիի եպիսկոպոս Ռոբերտ Ֆիննի հրաժարականը, որը ներքաշվել էր մանկապղծության աղմկահարույց սկանդալի մեջ։
62-ամյա Ֆիննը այսպիսով դարձավ առաջին ամերիկացի եպիսկոպոսը, որը դատարանով դատապարտվել է անչափահասների դեմ սեռական բռնություն գործադրելու փաստը թաքցնելու մեջ։ Խոսքը 2010թ. դեպքերի մասին է, երբ Ֆիննը 5 ամիս ոստիկանությունից թաքցրել է թեմական դպրոց հաճախող երեխաների պոռնոգրաֆիկ լուսանկարները, որոնք հայտնաբերվել են հոգեւորականներից մեկի համակարգչում։ Հետագայում երբ դեպքը բացահայտվեց, մանկապղծության մեջ մեղադրվող հոգեւորականը դատապարտվեց 50 տարվա ազատազրկման, իսկ 2011թ. Ֆիննը հրապարակավ ներողություն խնդրեց։
Նշենք, որ Վատիկանը սկսել էր սեփական հետաքննությունը վարել միայն 2014թ. սեպտեմբերին։