NEWS.am-ը հատվածներ է ներկայացնում Լոս Անջելեսի քաղաքային խորհրդի անդամ Փոլ Գրեգորյանի՝ «The Epoch Times»-ում հրապարակված հարցազրույցից:
Ինչ եք կարծում, ինչո՞ւ է Թուրքիայի կառավարությունը պատմականորեն հրաժարվում փակել փաստագրված այդ ցեղասպանության թեման եւ չի ճանաչում իրական պատմությունը:
Բազմաթիվ պատմական իրադարձություններ են տեղի ունեցել: Չնայած ես կարծում եմ, որ Թուրքիայի ժողովուրդը պատրաստ է քավել իր երկրի անցյալի համար մեղքը, կառավարությունը՝ ինչպես անցյալ, այնպես էլ այժմյան, ավելի պակաս են հակված դրան:
Ձեր կարծիքով, ի՞նչը կլինի պատմական այդ կարեւոր հարցի լուծման առաջին քայլը: Եվ ինչո՞ւ միջազգային դատարանները, ինչպիսին է ՄԱԿ-ի Միջազգային դատարանը, չի դիտարկում այդ հարցը:
Կարծում եմ, որ ճանաչումը պարզապես ժամանակի հարց է, որին մենք արժանի ենք: Միացյալ Նահանգներում եւ այլ երկրներում իրավիճակը փոխվում է՝ Հայաստանի ժողովրդի եւ հայկական սփյուռքի համառ ջանքերի շնորհիվ, ինչպես նաեւ այն պատճառով, որ մարդիկ ավելի տեղեկացված են դառնում մարդու իրավունքների հարցերում:
Ի՞նչ կարող են անել այս կամ այն երկրի մտահոգ քաղաքացիները՝ այդ կարեւոր խնդիրը լուծելու համար:
Նրանք կարող են տեղեկանալ խնդրի մասին եւ իրենց ընկերների ու հարեւանների հետ խոսել ճանաչման անհրաժեշտության մասին: Նրանք կարող են նաեւ ապրիլի 24-ին ամենուր կանգնել հայերի կողքին եւ մեզ հետ միասին արդարություն պահանջել: Համերաշխությունը շատ կարեւոր է: Որքան ավելի եւ տարատեսակ լինի շարժումը, այնքան ավելի արագ մենք կհասնենք մեր նպատակին: