Էթյեն Մահչուփյանը հերքում է լուրերը, թե ինքն ազատվել է աշխատանքից:
NEWS.am-ի հետ զրույցում Մահչուփյանը մեկնաբանեց թուրքական մամուլի տեղեկություններն այն մասին, թե իրեն ազատել են վարչապետի խորհրդականի պաշտոնից:
«Ես աշխատանքից չեմ ազատվել, թոշակի եմ անցել դեռ մարտի սկզբին, քանի որ արդեն 65 տարեկան եմ: Ես Թուրքիայի վարչապետի խորհրդական եմ, սակայն ոչ պաշտոնապես»,- ասաց Մահչուփյանը՝ նշելով, որ այլ հարցերի չի կարող պատասխանել, քանի որ երկրում չէ եւ խիտ աշխատանքային գրաֆիկ ունի:
Նշենք, որ Էթյեն Մահչուփյանը Հռոմի Պապի ելույթից հետո հայտարարել է, թե անհնար է Աֆրիկայում եւ Բոսնիայում տեղի ունեցածը ասել ցեղասպանություն, իսկ հայերի հետ տեղի ունեցածը՝ չասել։ Նա պնդել էր, որ զարմանալին այն չէ, որ Հռոմի Պապը հիմա է ասում ցեղասպանություն, այլ զարմանալին այն է, որ այսքան տարի չի ասել:
Այս հայտարարությունից հետո նրան ազատել են վարչապետի խորհրդականի պաշտոնից՝ պնդելով, թե նա մեկ ամիս առաջ էր ազատվել՝ թոշակի անցնելու պատճառով:
