Բրիտանիայի Եղիսաբեթ II թագուհին ծննդյան 89-րդ տարեդարձը նշում է ընտանեկան շրջապատում եւ սպասում է թոռնիկի կամ թոռնուհու լույս աշխարհ գալուն: Թագուհին իր քաղաքամերձ կալվածքում է՝ Վինձորի ամրոցում: Նա չի մասնակցելու պաշտոնական որեւէ միջոցառման:
ՏԱՍՍ-ի փոխանցմամբ, ավանդույթի համաձայն՝ Եղիսաբեթ II-ի թագավորական գվարդիան տոնական համազգեստով հրավառություն է կազմակերպել Լոնդոնի Բուքինգեմյան պալատի հարեւանությամբ, լոնդոնյան Հայդ պարկում եւ Թեմզա գետի ափին՝ Թաուրի ամրոցի կողքին:
Բրիտանական լրատվամիջոցների փոխանցմամբ, արքայազն Ուիլյամի կինը՝ Քեյթը Միդլթոնը, ներկայում Քենսինգթոնյան պալատում է: Բժիշկների կանխատեսմամբ, երեխան, ամենայն հավանականությամբ, լույս աշխարհ կգա շաբաթ՝ ապրիլի 25-ին:
