Հայաստան է ժամանել Ռուսաստանի Դաշնային ժողովի Դաշնային խորհրդի պատվիրակությունը՝ Հայաստանի Ազգային ժողովի եւ Ռուսաստանի Դաշնային ժողովի միջխորհրդարանական հանձնաժողովի համանախագահ Նիկոլայ Ռիժկովի գլխավորությամբ:
NEWS.am-ի թղթակցի հետ զրույցում Ռիժկովը նշեց, որ պատվիրակությունը Հայաստան է ժամանել՝ Հայոց ցեղասպանության 100-րդ տարելիցի միջոցառումներին մասնակցելու նպատակով:
Ապրիլի 22-ին պատվիրակությունը մասնակցելու է «Ընդդեմ Ցեղասպանություն հանցագործության» երկօրյա միջազգային համաժողովին, ինչպես նաեւ ներկա կգտնվի Սուրբ Էջմիածնում նախանշված Հայոց ցեղասպանության զոհերի սրբադասման արարողությանը:
Նշենք, որ Դաշնային խորհրդի պատվիրակության կազմում են ԴԽ նախագահի տեղակալ Գալինա Կարելովան, Խորհրդի բյուջետային եւ ֆինանսական շուկաների հանձնաժողովի անդամ Վլադիմիր Չուբը,ԴԽ դաշնային կարգի, տարածաշրջանային քաղաքականության, տեղական ինքնակառավարման եւ Հյուսիսի հարցերի հանձնաժողովի անդամ Իգոր Չեռնիշենկոն, ԴԽ տնտեսական քաղաքականության հարցերի հանձնաժողովի անդամ Ալեքսանդր Տեր-Ավանեսովը:
Լուսանկարները՝ Արսեն Սարգսյանի/NEWS.am