Ղազախստանը բացառում է ԵՏՄ-ում միասնական արժույթի ներդրումը: Այս մասին հայտարարել է Ղազախստանի ազգային էկոնոմիկայի փոխնախարար Թիմուր Ժաքսիլիքովը:
«Ղազախստանը հստակ ու հետեւողական դիրքորոշում ունի ԵՏՄ շրջանակներում միասնական արժույթի ներդրման հնարավորությունը բացառելու հարցում: Այդ հարցերը մենք չենք քննարկում: Դա օրակարգի հարց չէ»,-ասել է նա Աստանայում կայացած բրիֆինգում:
«Նման աշխատանք չի կատարվելու: Միաժամանակ ԵՏՄ շրջանակներում մինչեւ 2025 թվականը մենք մտադիր ենք միայն ներդաշնակեցնել օրենսդրությունը ֆինանսական շուկաների կարգավորման ոլորտում»,-ընդգծել է փոխնախարարը: