Իռլանդական Sinn Féin կուսակցությունը, որը հանդես է գալիս իռլանդացի ժողովրդի ինքնորոշման օգտին, կոչ է արել ճանաչել Հայոց ցեղասպանությունը։ Իռլանդիայի կառավարությանը նման կոչ է արել խորհրդարանի պատգամավոր Շոն Կրոուն։ Այս մասին տեղեկացնում է կուսակցության պաշտոնական կայքը։
«Այս շաբաթ իմ գործընկեր Ագնուս Օ՛Սնոդահը հայց էր ուղղել իռլանդական կառավարությանը Հայոց ցեղասպանության 100-ամյա տարելիցի կապակցությամբ ցեղասպանությունը ճանաչելու համար։
Պատասխանը ընդհանրապես ադեկվատ չէր։ Նրանում ասված էր, որ Իռլանդիայի կառավարությունը այդ հարցով, ի տարբերություն Հոլոքոստի եւ Ռուանդայի ցեղասպանության, չի ընդունել եւ չի ընդունելու ոչ մի դիրքորոշում։
1985թ. ՄԱԿ հանձնաժողովի զեկույցը եզրակացություն էր արել, որ 1915թ. հայերի հետ կատարվածը համապատասխանում է ցեղասպանություն եզրին։ Եվրախորհրդարանը մի շարք բանաձեւեր է ընդունել, աշխարհի 22 երկիր, որոնցից 12-ը՝ ԵՄ անդամներ, ճանաչել են ցեղասպանությունը։
Կան բազմաթիվ բանավոր եւ գրավոր վկայություններ, որ Օսմանյան կայսրության գործողությունները ցեղասպանություն էին։ Եթե մենք չենք ընդունում այն, ինչ անցյալում եղել է, մենք չենք կարող սովորել անցյալի սխալների վրա։ Համատեղ ջանքերով մենք պետք է հայտարարենք, որ մենք դեմ ենք պատմության շահարկմանը եւ միջազգային հանրության լռությանը, որը բազմապատկում է հայ ժողովրդի ցավը։
Ժխտումը առաջին հերթին վնասում է զոհերին եւ նրանց սերունդներին, այդ պատճառով շատերը Թուրքիայի հերքումը կրկնակի սպանություն են համարում։
«Ճանաչումը պետք է, որպեսզի փակվի այդ վերքը, եւ դա Հակաստանի եւ Թուրքիայի միջեւ հարաբերությունների կարգավորման մի մասն է»,- ասված է հայտարարության մեջ։
