Միջերկրական ծովում ներգաղթյալների խորտակված նավի նավապետը ղեկի մոտ գինի էր խմում եւ մարիխուանա ծխում, իսկ փրկվելուց հետո անընդհատ մոռանում էր հորինած անունը: Թունիսցի «նավապետի» մասին նման մանրամասներ է հրապարակել գերմանական Bild թերթը:
««Երբ նրան խնդրեցին ներկայանալ, ակնհայտ էր, որ նա ասաց իր իսկական անունը, որովհետեւ երբ հաջորդ անգամ նույն հարցը տվեցին, նա մի քանի րոպե չէր կարողանում «հիշել» այն»,-պարբերականին ասել է Մալթայի օրդենից դոկտոր Ջուզեպպե Պոմիլան, ով փրկվածներին օգնության հասնողներից մեջ է եղել:
27-ամյա կապիտանը եւ նրա 25-ամյա օգնականը կալանավորվել են: Երկուսին էլ սպանության, նավաբեկության եւ ապօրինի ներգաղթի դրդելու մեղադրանքներ են ներկայացվել:
Նշենք, որ նեգաղթյալներով լի նավը խորտակվել է Լիբիայի ափերի մոտ, որի վրա եղել է 900 ներգաղթյալ: Նրանց մեծ մասը համարվում են անհետ կորած: