Մենք այսօր այստեղ ենք Հայոց ցեղասպանութան անմեղ զոհերի հիշատակին հարգանքի տուրք մատուցելու համար։ Այս մասին ապրիլի 23-ին Երեւանում «Ընդդեմ ցեղասպանություն հանցագործության» գլոբալ ֆորումի ժամանակ հայտարարել է Կիպրոսի խորհրդարանի անդամ Աֆերով Նեոֆիտուն։
Դրա հետ մեկտեղ նա հայտարարել է Հայոց ցեղասպանությունը դատապարտելու անհրաժեշտության մասին եւ Թուրքիայից պահանջել է ճանաչել ցեղասպանություն հանցագործությունը։ Նրա խոսքով՝ հենց այդ կերպ Անկարան կարող է գտնել հաշտեցման ճանապարհը։ Նեոֆիտուն նշել է, որ Կիպրոսը Ուրուգվայից հետո առաջինն էր երկրների ցուցակում, որոնք ճանաչեցին Հայոց ցեղասպանությունը։
Բացի այդ Կիպրոսի ներկայացուցիչը նշել է, որ 2015թ. ապրիլի 2-ին Ներկայացուցիչների պալատը ցեղասպանության ժխտումը քրեականացնող օրենք էր ընդունել։ Կիպրոսի խորհրդարանականը ընդգծել է ապրիլի 15-ին Եվրախորհրդարանի ընդունած բանաձեւի կարեւորությունը։ Անհրաժեշտ է Թուրքիային կոչ անել ճանաչել անցյալը եւ Հայոց ցեղասպանությունը՝ դրանով պայմաններ ստեղծելով հայ եւ թուրք ժողովուրդների հաշտեցման համար»,- եզրափակել է Նեոֆիտուն։