Ցեղասպանության միջազգային ճանաչման գործընթացում կարեւոր է, որպեսզի փոխվեն միջազգային օրենքները։ Այս մասին Հայոց ցեղասպանության 100-րդ տարելիցին նվիրված միջոցառումների շրջանակում Երեւանում ընթացող Միջեկեղեցական ժողովից հետո լրագրողներին ասել է Լոնդոնի եպիսկոպոս Ռիչարդ Չարտրեսը։
«Միջազգային օրենքներով չի նախատեսում համապատասխան պատիժ հանցագործությունն իրականացրածների համար։ Հարց է առաջանում՝ ինչպես պետք է հանցագործներին ստիպել կատարել իրենց միջազգային պարտականությունները։ Հարկավոր է փոխել ՄԱԿ-ի եւ միջազգային մյուս կառույցների օրենքները, մշակել նոր՝ քրեական օրենքներ, եւ հաշվի առնելով, որ արեւմտյան հեգեմոնիան թուլանում է, իսկ աշխարհն ավելի բազմաբեւեռ է դարձել, հարկավոր է նոր օրենքների մշակման գործընթացին ներգրավել նաեւ նոր դերակատարներին»,- ասել է եպիսկոպոս Ռիչարդ Չարտրեսը։
