Հայոց ցեղասպանության 100-ամյա տարելիցին նվիրված հիշատակի միջոցառումներին Հայաստան են գալիս 60 երկրների պատվիրակություններ: Օսմանյան կայսրությունում սպանված 1,5 մլն նահատակներին կսրբադասեն:
Ապրիլի 24-ին Երեւանում կբացվի Հայոց ցեղասպանության թանգարան-ինստիտուտի բարեկարգված սրահը եւ միջազգային ֆորում, որին կմասնակցեն 60 պետությունների պատվիրակությունների ներկայացուցիչներ: Ապրիլի 23-ին՝ 19:15-ին աշխարհի բոլոր հայկական տաճարներում կհնչեն զանգեր: Հիշատակի զանգին կմիանան այլ քրիտոնեական ուղղությունների եկեղեցիներ, այդ թվում՝ Փարիզի Աստվածամոր տաճարը:
Պատմաբանների գնահատումներով՝ Օսմանյան կայսրության տարածքում 1,5 մլն հայ է ոչնչացվել: Մարդկանց ենթարկել են դաժան խոշտանգումների եւ ծաղրուծանակի:
«2-3 ամսիների ընթացքում Տրապիզոնի, Էրզրումի, Մուշի, Էրզրումի, Մարաշի, Զեյթունի, Սեբաստիայի, Դիարբեքիրի եւ Անատոլիայի տասնյակ քաղաքներ ու հարյուրավոր գյուղեր դատարկվեցին, այրվեցին ու ոչնչացվեցին, պղծվեցին հնագույն եկեղեցիներ ու տաճարներ, քանդվեցին հնագույն գերեզմանատներ», - պատմում է պատմական գիտությունների դոկտոր Անդրեյ Զուբովը, - իսկ զինվորների եւ նրանց կամավոր օգնականների ձեռքով անհապաղ մահից խուսափած բնակիչները, հիմնականում կանայք, ծերեր ու երեխաներ, պատվազրկվեցին, կողոպտվեցին եւ ուղարկվեցին Արաբական անապատ՝ սովից, ծարավից ու տապից»:
Շատ երկրներ հայերի վիշտը ճանաչեցին՝ որպես ցեղասպանություն. ժխտում է միայն Օսմանյան կայսրության ժառանգը: Հայաստանն ու Թուրքիան մինչեւ օրս դիվանագիտական հարաբերություններ չունեն, փակ են սահմանները: Եվրախորհրդարանը փորձում է հաշտեցնել երկու երկրներին: Ապրիլի 15-ին այստեղ ընդունվեց բանաձեւ, որով նրանք Թուրքիային կոչ են անում ընդունել ցեղասպանության պատմական փաստը: Դատելով Թուրքիայի նախագահի հայտարարություններից՝ իր երկրի համար դա անընդունելի է: Սակայն Ռեջեփ Թաիփ Էրդողանն անցած տարի կարեւոր քայլ կատարեց՝ առաջին անգամ ցավակցելով հայերին:
Ցեղասպանության հարյուրամյակի առիթով արտահայտվել է նաեւ երկրի վարչապետը: «Մենք ամենայն հարգանքով ենք հիշում 1915թ. արտաքսման ժամանակ մահացած հայերի մասին եւ նրանց երեխաների ու թոռների հետ կիսում ենք ցավը», - ասել է Ահմեդ Դավութօղլուն:
Հայոց ցեղասպանության 100-ամյա տարելիցի խորհրդանիշը անմոռուկ ծաղիկն է: Այն տարածել են սոցցանցերում՝ ամրագրելով «Հիշում եմ եւ պահանջում» բառերով: Հայերն իրենց ողբերգության մասին միշտ կհիշեն: Իսկ մինչ այդ հայ եկեղեցին որոշել է սրբադասել 1.5 մլն նահատակներին: