Երեւանում ապրիլի 23-ին ավարտվեց «Ընդդեմ ցեղասպանություն հանցագործության» երկօրյա միջազգային գլոբալ ֆորումը (ֆոտոռեպորտաժ)։
Ֆորումը մեկնարկել էր ՀՀ նախագահ Սերժ Սարգսյանի բացման խոսքով։ Կոնֆերանսի առաջին օրը ելույթ ունեցավ Ամենայն հայոց կաթողիկոս Գարեգին Բ-ն, Եվրոպայի խորհրդի քարտուղար Տորբյորն Յագլանդը, Ցեղասպանության հետազոտման միջազգային ասոցիացիայի նախագահ Դանիել Ֆեյերշտեյնը:
Ֆորումի առաջին նիստի թեման էր «Միջազգային իրավունքում մարդկության դեմ ոճրագործությունների կանխարգելման միջոցների էվոլյուցիան»։ Երկրորդ նիստը վերաբերում էր «Ցեղասպանության հետեւանքների վերացումն ու պատասխանատվության խնդիրը»։
Ֆորումի երկրորդ օրը աշխարհի տարբեր երկրների պատգամավորները դատապարտել են 20-րդ դարի առաջին ցեղասպանությունը՝ ընդգծելով նման հանցագործությունների կանխման կարեւորությունը։