Այն, որ Ուկրաինան չի ճանաչել Հայոց ցեղասպանությունը, ժամանակի հարց է։ Այդ մասին NEWS.am-ի թղթակցի հետ զրույցում հայտնել է ուկրաինացի պատմաբան, Օդեսայի Մեչնիկովի անվան ազգային համալսարանի պատմության ֆակուլտեի դեկան Վյաչեսլավ Կուշնիրը։
Նրա խոսքով, միջազգային հանրությունը պետք է հիշի պատմության դասերն ու երբեք թույլ չտա, որ զանգվածային ողբերգությունները, մարդկանց սպանդը կրկնվի։ «Այդ մասին պետք է խոսել այնքան, որքան դա նույնիսկ տեսականորեն հնարավոր կլինի։ Դրա համար մենք պետք է կիսվենք մեր փորձով եւ նման խնդիրներ ուսումնասիրման գիտելիքներով։ Ուկրաինացիները եւս նման ողբերգություններ են ունեցել եւ, կարծում եմ, մենք եւ հայերը ըդհանուր խնդիր ունենք»,- ասել է Կուշնիրը՝ ընդգծելով հանրության մեջ հետգենոցիդային հետեւանքների ուսումնասիրության կարեւորությունը։