Թուրքիայի վարչապետ Ահմեդ Դավութօղլուն հայտարարել է, թե Ռուսաստանի նախագահի հայտարարության հետ կապված անհրաժեշտ դիվանագիտական նախաձեռնություններ են լինելու։
Թուրքական Ahaber կայքի փոխանցմամբ՝ Թուրքիայի վարչապետ Ահմեդ Դավութօղլուն անդրադարձել է Ռուսաստանի նախագահի կողմից ցեղասպանություն բառը օգտագործելու հետ կապված հարցին։ Նա նշել է, թե այդ կապակցությամբ խոսել է արտգործնախարարար Մեւլութ Չավուշօղլուի հետ եւ անհրաժեշտ դիվանագիտական նախաձեռնություններ կլինեն։
«Այն որ Հայաստանում են լինելու Ռուսաստանի եւ Ֆրանսիայի նախագահները, դա ստվերում է Մինսկի խմբի անկողմնակալությունը»,-հայտարարել է Դավութօղլուն։
Նշենք, որ Պուտինի հայտարարության մեջ նշվել է, որ 1915թ. ապրիլի 24-ը ողբերգական տարելից է՝ կապված Հայոց ցեղասպանության՝ «մարդկության պատմության ընթացքում ամենասարսափելի եւ ողբերգական իրադարձություններից մեկի» հետ։