ԵԱՀԿ Մինսկի խմբի համանախագահ Ջեյմս Ուորլիքն անդրադարձել է Հայոց ցեղասպանության թեմային։
«Աշխատելով Ղարաբաղում խաղաղության վրա՝ մենք հիշում ենք տառապանքներն ու սպանությունները Օսմանյան կայսրության վերջին օրերին, սգում ենք բոլոր զոհերի համար։ Հայաստան»,- գրել է դիվանագետը։
20-րդ դարի առաջին, Հայոց ցեղասպանությունից անցել է 100 տարի: Ողջ աշխարհի հայությունն ու առաջադեմ մարդկությունն այսօր` ապրիլի 24-ին նշում է Օսմանյան Թուրքիայում Հայոց ցեղասպանության 100-րդ տարելիցը:
Ցեղասպանության փաստը ճանաչել են մի շարք պետություններ: Այն առաջինը ճանաչել է Ուրուգվայը` 1965թ-ին, որի օրինակին հետեւել են Ռուսաստանը, Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեյցարիան, Շվեդիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, ԱՄՆ 42 նահանգներ: Ցեղասպանությունը ճանաչել են նաեւ Վատիկանը, Եվրախորհրդարանը, Եկեղեցիների համաշխարհային միությունը:
