Ռուսաստանի նախագահ Վլադիմիր Պուտինը քիչ առաջ այցելել է Ծիծեռնակաբերդի հուշահամալիր։ Նրա այցով ավարտվել է բարձրաստիճան պատվիրակությունների դիմավորումը Ծիծեռնակաբերդի բարձունքում։ Պուտինը նաեւ գրառում է արել Ցեղասպանության թանգարան-ինստիտուտի հուշամատյանում։ Մյուս բարձրաստիճան հյուրերի նման՝ նա եւս դեղին վարդ է ավելացրել Ցեղասպանության զոհերի հիշատակի ծաղկեպսակին, ապա զբաղեցրել իր տեղը բարձրաստիճան հյուրերի շարքում։
Վերջին ծաղիկները ծաղկեպսակին ավելացրել են Հայաստանի նախագահ Սերժ Սարգսյանը եւ առաջին տիկին Ռիտա Սարգսյանը։
Հայոց ցեղասպանության փաստը ճանաչվել է մի շարք պետությունների կողմից։ Առաջինը 1965թ. դա արեց Ուրուգվայը, որի օրինակին հետեւեցին Ռուսասատնը, Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուեալան, Արգենտինան եւ ԱՄՆ 42 նահանգ։ Հայոց ցեղասպանությունը ճանաչել է նաեւ Վատիկանը, Եվրախորհրդարանը, Եկեղեցիների համաշխարհային խորհուրդը։
