Հայոց ցեղասպանության զոհերի հիշատակի Ծիծեռնակաբերդի հուշահամալիրում աշխարհի լավագույն դրամատիկ սոպրանո, օպերային երգչուհի Մարիա Գուլեգինան հայերեն է երգել: Նա կատարել է Կոմիտասի «Կռունկ» ստեղծագործությունը:
Նա Երեւան է ժամանել երեկ՝ ապրիլի 23-ին: «Զվարթնոց» օդանավակայանում լրագրողների հետ զրույցում նա նշել է, որ Թուրքիան պետք է ճանաչի Հայոց ցեղասպանությունը: «Լի եմ հույզերով, քանի որ մենք նշում ենք նման ողբերգական տարելիցը՝ 100 տարին։ Կարծում եմ, որ այդ տարելիցը պետք է բեկումնային պահ լինի, որ մարդիկ պարզապես հասկանան, ընդունեն, գիտակցեն եւ այս պահից սկսած ապրեն նորովի։ Քանի որ, սկզբունքորեն, մեզ բոլորիս խաղաղություն է պետք, պետք է միայն երեխա մեծացնել, եւ չարությունն ու ատելություն սպանում են»,-ասել է նա:
Մարիա Գուլեգինա. Թուրքիան պետք է ճանաչի Հայոց ցեղասպանությունը (ֆոտո)