Հայոց ցեղասպանության զոհերի Ծիծեռնակաբերդ հուշահամալիրում ապրիլի 24-ին Ռուանդայից ժամանած սոցիոլոգ Էսթեր Մուջավայոն ընթերցել է Հռչակագիրը՝ ընդունված «Ընդդեմ ցեղասպանություն հանցագործության» միջազգային ֆորումի կողմից։
Հռչակագրում, մասնավորապես, ասվում է. «Հարգանքի տուրք մատուցելով Հայոց ցեղասպանության, Հոլոքոսթի, Ռուանդայի, Կամբոջայի, Դարֆուրի եւ այլուր տեղ ունեցած ցեղասպանությունների զոհերի հիշատակին, մտահոգվելով մարդկության դեմ կրկնվող հանցագործություններից, մտահոգվելով աշխարհի տարբեր տարածաշրջաններում ծայրահեղականության ահագնացող տարածմամբ, հաշվի առնելով միջազգային իրավունքում ցեղասպանության ժխտման միջազգային քրեականացման էվոլյուցիան, նշելով ցեղասպանությունների եւ մարդկության դեմ այլ հանցագործությունների դեմ գլոբալ պայքարի կարեւորությունը, ընդգծելով այդ պայքարում տարբեր խորհրդարանների ե քաղաքացիական հասարակության դերը,
Միջազգային համաժողովն ընդունում է, որ ցեղասպանությունը ծայրահեղ հանցագործություն է՝ անդառնալի հետեւանքներով, հաստատում, որ կանխման մեխանիզմները նույնն են, որ ընդունվել են ՄԱԿ-ի շրջանակներում, ընդգծում է, որ ցեղասպանության կանխումը կախված է մարդու իրավունքների պաշտպանությունից, ճանաչում է, որ ժխտումը, հատկապես պետական մակարդակով, անթույլատրելի է, եւ շեշտում է, որ ցեղասպանությունների եւ դրանց հետեւանքների ժամանակին դատապարտումը կարող է կարեւոր գործիք լինել կանխարգելման եւ հաշտեցման համար, կոչ է անում միջազգային հանրությանը անդադար ջանքեր գործադրել՝ ուղղված ցեղասպանությունների ճանամանը»։