Թուրքիայի քրդական թերթերից Ozgur Gundem պարբերականը ապրիլի 24-ին լույս է տեսել Հայոց ցեղասպանության մասին հայերեն վերնագրով։
Ozgur Gundem-ի գլխավոր էջը նվիրված է եղել Հայոց ցեղասպանության 100-րդ տարելիցին։ «Տես, իմացիր, առերեսվիր»,-հայերենով գրված է եղել գլխավոր էջի վերնագրում, իսկ տեքստում արդեն թուրքերենով նշվել է, որ 1915-ին թվականին պետությունը ծրագրավորված ցեղասպանության է ենթարկել 1,5 մլն հայերի եւ 500 հազար ասորիների։
Նշենք, որ քրդական Azadiya Welat-ը եւ թուրքական Cumhuriyet-ը եւս ապրիլի 24-ին լույս են տեսել հայերեն վերնագրերով։