Ուսումնասիրելով Հայոց ցեղասպանության պատմությունը՝ հասկանում ես որ Թուրքիան պետք է հետեւի Գերմանիայի քայլերին, ով հաշտվեց սեփական անցյալի հետ եւ փոխհատուցում վճարեց: Այդ մասին NEWS.am-ի թղթակցի հետ զրույցում Հայոց ցեղասպանության զոհերի հուշահամալիրում հայտարարեց ընկերների հետ Հայաստան ժամանած Միացյալ Թագավորության բնակչուհի Մելանի Քերչերգրոուսը:
Մելանին մեզ պատմեց, որ Ցեղասպանության մասին հիմնական տեղեկատվությունը ստացել է «System of a down» ռոք խմբի շրջագայության շնորհիվ: «Նրանք շատ են խոսում Հայոց ցեղասպանության մասին: Մենք երեկ նրանց լսեցինք, եւ այսօր մենք այստեղ ենք՝ հարգանքի տուրք մատուցելու Հայոց ցեղասպանության զոհերին», - նշեց Քերչերգրոուսը:
Անդրադառնալով Միացյալ Թագավորության դիրքորոշմանը, որն առ այսօր չի ճանաչել Հայոց ցեղասպանությունը եւ շարունակում է խուսափել այդ բառն գործածելուց՝ Մելանին նշեց, որ նման մոտեցումը չի ողջունում: «Ես գիտեմ, որ Անգլիայում շատ մարդիկ աշխատում են կառավարության դիրքորոշումն փոխելու ուղղությամբ: Ուստի հույս ունեմ, որ մոտ ապագայում Մեծ Բրիտանիան նույնպես կճանաչի Հայոց ցեղասպանությունը», - եզրափակեց Մելանի Քերչերգրոուսը:
