Այն, ինչ 100 տարի առաջ տեղի ունեցավ Օսմանյան կայսրության հայերի հետ, ցեղասպանություն էր: Այս մասին գրում է պերուական El Comercio-ն:
Այդ առիթով պարբերականը մեջբերում է 1948 թվականին ընդունված Ցեղասպանություն հանցագործության կանխարգելման եւ դրա համար պատժի մասին Կոնվենցիայի 2-րդ հոդվածը: Ցեղասպանություն է համարվում հանցագործությունը, որն իրականացվել է որեւէ ազգության, էթնիկ, ռասայական կամ կրոնական խմբի ամբողջական կամ մասամբ ոչնչացնելու մտադրությամբ, ինչպես նաեւ՝
Նման խմբի անդամների սպանությունը;
Նման խմբի անդամներին մարմնական լուրջ վնասվածք կամ հոգեկան խանգարում պատճառելը;
Նման խմբի անդամների համար կանխամտածված կերպով այնպիսի կենսական պայմանների ստեղծումը, որի նպատակն այդ խմբի ամբողջական կամ մասնակի ֆիզիկական ոչնչացումն է;
Միջոցների ձեռնարկումը, որոնք ուղղված են այդ խմբի շրջանում մանկածնության կանխմանը;
Երեխաներին մարդկային մի խմբից մյուսին բռնի փոխանցումը:
Չնայած այս ամենին, ըստ պարբերականի, Հայոց ցեղասպանության մասին Հռոմի Ֆրանցիսկոս I Պապի հայտարարությունից մեկ օր անց այս թեմայով ՄԱԿ-ի ընդունած պաշտոնական հռչակագրում նշվում է «ծանր հանցագործության», բայց ոչ ցեղասպանության մասին: