ԱՄՆ նախագահ Բարաք Օբաման ապրիլի 24-ի իր ուղերձում չօգտագործեց «ցեղասպանություն» բառը, ինչպես դա արեցին Սպիտակ տան ներկայացուցիչները վերջին օրերին, գրում է լեհական Wiadomosci պարբերականը։
«Միացյալ Նահանգներն ընդունում է, որ 100 տարի առաջ տեղի ունեցած զանգվածային սպանդի ժամանակ սպանվել է 1,5 մլն հայեր»,- հայտարարել է Սպիտակ տան մամուլի քարտուղար Ջոշ Էռնեստը։
Դեռ սենատոր եղած ժամանակ՝ 2008թ. Օբաման խոստացել էր ճանաչել ցեղասպանությունը։ Բայց չնայած ուժեղ հայկական լոբիի չթուլացող ճնշմանը, նա իր խոստումը չկատարեց, որպեսզի, ըստ փորձագետների, չսադրի Թուրքիային՝ ՆԱՏՕ-ի կարեւոր դաշնակցին, նշում է պարբերականը։