Ցեղասպանության մասին պետք խոսել, գոռալ, պահանջել ճանաչում: Այդ մասին NEWS.am-ի թղթակցի հետ զրույցում հայտարարեց Հայաստանի հրեական համայնքի ղեկավար Ռիմա Վարժապետյանը:
Համայնքի ղեկավարը նշեց, որ ողջ քաղաքակիրթ մարդկությունը ճանաչում է Հայոց ցեղասպանության փաստը, եւ անհրաժեշտ է մեծ ուշադրություն դարձնել այդ ողբերգությունը դեռեւս չճանաչած երկրների պաշտոնատար անձանց վրա, ավելի շատ իրազեկել` պահանջելով համապատասխան եզրահանգումներ:
Ռիմա Վարժապետյանը հայտնեց, որ հրեական համայնքի ներկայացուցիչները մյուս համայնքների հետ միասին ապրիլի 25-ի առավոտյան կայցելեն Հայոց ցեղասպանության հուշահամալիր եւ ծաղկեպսակներ կդնեն Եվրասիական հրեական կոնգրեսի եւ Համաշխարհային եվրասիական կոնգրեսի անունից:
