Փաստաբանների պալատում բուռն քվեարկություն է սպասվում, այս անգամ օրակարգում է «Փաստաբանի օրվա» ընտրության շուրջ քվեարկությունը: Փաստաբան Գեւորգ Գյոզալյանը, մինչեւ վերջ չի բացահայտում, թե 5 առաջարկներից որի օգտին է ինքը քվեարկելու:
«Կարող եմ միայն ասել, որ ես հաստատ չեմ քվեարկելու ապրիլի 25-ի օգտին, իսկ մնացած բոլոր առաջարկներն էլ ընդունելի են, որովհետեւ դրանք հիմնավորումներում տրամաբանություն կա: Ապրիլի 25-ը փաստաբանության օր նշելու համար որեւէ հիմնավորում չկա, այսինքն՝ ես չեմ հասկանում, թե ինչի պետք է հենց ապրիլի 25-ին նշվի փաստաբանի օրը, ինչ կապ կա դրա մեջ»,-ասաց փաստաբանը:
Իսկ թե ինչու է նա որպես փաստաբանի օր նշելու համար կոչ անում քվեարկել հունիսի 11-ին օգտին, Գեւորգ Գյոզալյանը նշեց, որ դա նորագույն փաստաբանության պատմության մեջ խորհրդանշում է ընդդեմ գործող համակարգի փաստաբանների ըմբոստության, պայքարի, միասնականության, մի տանիքի շուրջ համախմբման օրը: