Ապրիլի 24-ին Ալ. Սպենդիարյանի անվան Օպերայի եւ բալետի ակադեմիական թատրոնում կայացավ համաշխարհային 24/04 սիմֆոնիկ նվագախմբի «Վերածնունդ» համերգ-ակցիան՝ նվիրված Ցեղասպանության 100-րդ տարելիցին։
Համերգի դիրիժորներն էին Միխայիլ Յուրովսկին (Գերմանիա), Հովհաննես Չեքիջյանը (Հայաստան), Ջանալուկա Մարչիանոն (Իտալիա), Սերգեյ Սմբատյանը (Հայաստան)։
Համերգ-ակցիային հնչեցին հատվածներ Կոմիտասի, Գաբրիել Երանյանի, Արամ Խաչատրյանի, Էդգար Հովհաննիսյանի, Ղազարոս Սարյանի, Ալեքսանդ Հարությունյանի, Առնո Բաբաջանյանի ստեղծագործություններից։
Հայ կոմպոզիտորների դասական ստեղծագործությունների հատվածներից ձեւավորված համերգային ծրագրում նաեւ բացառիկ վավերագրական տեսաշարով ներկայացվում էին Հայոց ցեղասպանության հակիրճ տարեգրությունն ու վերածնունդը։
Համերգին ներկա էին ՀՀ առաջին տիկին Ռիտա Սարգսյանն ու ՀՀ մշակույթի նախարար Հասմիկ Պողոսյանը։