Ղրղըզստանը կարող է չհասցնել վավերացնել Եվրասիական տնտեսական միությանն անդամակցելու արձանագրությունները մինչեւ մայիսի 8-ը։ Երկրի էկոնոմիկայի նախարարության փոխանցմամբ, այդ մասին նախագահ Ալմազբեկ Աթամբաեւին ասել է էկոնոմիկայի նախարար Թեմուր Սարիեւը։
Նա ամփոփել է Մոսկվայում կայացած Եվրասիական տնտեսական հանձնաժողովի արդյունքները։ Նիստում քննարկվել են ԵՏՄ-ին Ղրղըզստանի անդամակցության հարցերը, հաղորդում է ՏԱՍՍ-ը։
«Համապատասխանաբար, փոփոխվելու են ղրղըզա-ղազախական սահմանին մաքսային վերահսկողության հանման մասին որոշման ընդունման ժամկետները»,- նշեկ են մամուլի ծառայությունից։
