ԱՄՆ նախագահ Բարաք Օբաման պարտավոր է կատարել նախընտրական քարոզարշավին տված խոստումն ու 1915թ. հայերի սպանությունները ցեղասպանություն անվանի, գրում է Boston Herald-ը։
«Մեր նախագահը պետք է դա ցեղասպանություն անվանի, եւ պետք է անի հենց հիմա»,- ասել է դեմոկրատ սենատոր Էդվարդ Մարկին Բոսթոնում Հայկական ժառանգության այգում տեղի ունեցած ցույցի ընթացքում։
Սենատորի կարծիքով, նախագահը պետք է կատարի իր պարտավորությունը, որը ստանձնել է, եւ պետք չէ ուշադրություն դարձնել, թե որքանով այդ հայտարարությունը դուր չի գա թուրքերին։ Մարկիի կոչին միացել են սենատոր Էլիզաբեթ Ուորրենը, Մասաչուսեթս նահանգի նահանգապետ Չարլի Բեյքերը, Բոսթոնի քաղաքապետ Մարտին Ուոլշը, նախկին նահանգապետ Դեվալ Պատրիկը։
«Ես միայն մեկ խոստում ունեմ, մենք երբեք չենք մոռանա»,- հայտարարել է Ուորրենը։
Ցուցարարներից 19-ամւա Սեմյուել Հակոբ Չաքմաքջյանը հանգուցյալ տատիկի՝ Ռոզա Թորոսյանի լուսանկարն է բերել, որը նրան դեռ մանուկ հասակում պատմել էր,թ ե ինչպես է փրկվել Ցեղասպանությունից։