«1915»-ը տարօրինակ եւ գաղտնիքներով լի ֆիլմ է: Այս մասին, այսօր՝ ապրիլի 25-ին, լրագրողների հետ հանդիպման ժամանակ հայտարարեց ֆիլմի սցենարի հեղինակ եւ ռեժիսոր Կարին Հովհաննիսյանը:
Խոսելով ֆիլմի ստեղծման գաղափարի մասին, ռեժիսորն ասաց, որ Ցեղասպանության 100-րդ տարելիցի ստվերը վաղուց է զգացել իր վրա եւ պատասխանատվություն է վերցրել մինչեւ 100-րդ տարելիցը հասցնել այն ավարտին:
«Սա սովորական ֆիլմ չէ: Ես ցանկանում էի մի կողմից ներկայացնել մեր անցյալը,
բայց նոր ժամանակակից լեզվով, ժամանակակից հանդիսատեսի համար՝ հասցնելով նրան 1915 թվականի ողբերգության իմաստը: Ֆիլմի շուրջ հավաքեցի շատ տաղանդավոր մարդկանց, ինչպիսիք են Սիմոն Աբգարյանը, Անժելա Սարաֆյանը, եւ Սերժ Թանկյանը:
Վերջինս, ով հանդիսանում է ֆիլմի երաժշտության հեղինակը, խոսելով ֆիլմում ունեցած իր աշխատանքի մասին, ասաց, որ, ճիշտ է, երաժշտությունն ինքն է գրել, բայց դա թիմային աշխատանք է, քանի որ դրանում ներգրավված են եղել բոլորը:
