Հայոց ցեղասպանության 100-րդ տարելիցի համար ԱՄՆ Բըրբենք քաղաքի հայկական եկեղեցու մոտ ապրիլի 3-ից ծոմ պահող՝ ազգությամբ հայ Աղասի Վարդանյանն իրեն շատ լավ է զգում, առողջական որեւէ խնդիր չունի: Այս մասին NEWS.am-ին հայտնեցին Աղասի Վարդանյանի ընկերները:
«Արդեն 23 օր է՝ ծոմ է պահում, առողջական որեւէ գանգատ չունի»,- ասացին ընկերները:
Նշենք, որ Աղասի Վարդանյանը ծոմը պահում է 3 մ բարձրությամբ ու 3 մ լայնությամբ ապակեպատ փակ տարածքում: Նա իր հետ վերցրել է ջուր 55 օրվա համար, հագուստ եւ բջջային հեռախոս: Ի դեպ, ամբողջ տարածքը հսկվում է տեսախցիկներով: