Ապրիլի 24-ի առթիվ համաներում հայտարարելու մասին խոսակցություններ չկան: Այս մասին, այսօր՝ ապրիլի 27-ին, ԱԺ-ում հայտարարել է խորհրդարանի խոսնակ Գալուստ Սահակյանը՝ անդրադառնալով այդ առնչությամբ ՀԱԿ խմբակցության պատգամավոր Նիկոլ Փաշինյանի հարցին:
Փաշինյանը մասնավորապես նշել է, որ վերջին շրջանում հսկայական նամակներ ու զանգեր են ստացվում, որ Հայոց ցեղասպանության տարելիցի կապակցությամբ կլինի համաներում: «Հասկանում եմ, որ դա միայն ԱԺ իրավասությունը չէ: Ուզում եմ իմանալ՝ ունե՞ք որեւէ տեղեկություն՝ կա՞ արդյոք այդպիսի հավանականություն, որ առաջիկայում կլինի համաներում»,-հարցրել է նա:
Ի պատասխան Գալուստ Սահակյանը նշել է, որ նման քննարկումների մասին ինքը չի լսել:
