«Հայոց ցեղասպանություն» արտահայտության որոնումը Google-ում վերջին շրջանում ավելացել է 2-ից 4 անգամ: Այս մասին այսօր՝ ապրիլի 27-ին, լրագրողների հետ զրույցում ասաց մեդիափորձագետ Սամվել Մարտիրոսյանը։
««Հայոց ցեղասպանություն» բանալի բառերը 2-4 անգամ աճել են Google-ի ամբողջ պատմության մեջ՝ 2004 թ.-ից սկսած»,-ասաց նա։
Մեդիափորձագետը նշեց, որ սոցիալական կայքերում՝ օրինակ Twitter-ում, այս օրերին հայկական թեմաները հայտնվել են ամենաքննարկվող թեմաների մեջ։
«Այս անգամ հայկական թեման ժամեր շարունակ թոփ թեմաների մեջ էր Գերմանիայում, Իսրայելում, Ֆրանսիայում, Ռուսաստանում։ Իսկ թուրք օգտատերերի շրջանում սկսվեց ֆլեշմոբ, որի ժամանակ ներողություն էին խնդրում հայերից։ Հաջորդ օրը Հայոց ցեղասպանություն տերմինը Թուրքիայում դարձավ թիվ մեկ թեմա»,-ասաց Սամվել Մարիտիրոսյանը։