Եվրոպայի խորհրդի խորհրդարանական վեհաժողովի թուրք անդամ Գյուլսուն Բիլգեհանը կուլիսներում հարձակման է ենթարկվել իր պատվիրակության մյուս անդամների կողմից։ Այս մասին ապրիլի 27-ին Հայաստանի խորհրդարանում հայտարարել է ԵԽԽՎ-ում հայկական պատվիրակության ղեկավար Հերմինե Նաղդալյանը՝ մեկնաբանելով Ստրասբուրգում ապրիլի 20-24-ը կայացած ԵԽԽՎ վերջին նստաշրջանը։
«Կատարվածը հատկապես տարօրինակ է, քանի որ ԵԽԽՎ պատգամավորներին առաջարկեցին ոտքի կանգնել՝ հարգելու ոչ միայն Հայոց ցեղասպանության, այլ նաեւ մարդկության պատմության մեջ բոլոր ցեղասպանությունների հիշատակը։ Եթե թուրք պատգամավորները հրաժարվում են անգամ նման առաջարկից, դա պարզ ցույց է տալիս նրանց «ժողովրդավարության» զարգացման մակարդակը։ Այդ ֆոնին թուրք պատգամավորի հստակ դիրքորոշումը հարգանքի է արժանի»,- հայտարարեց Նաղդալյանը։