Ստամբուլի Քադըքյոյի շրջանում Հայոց ցեղասպանության 100-րդ տարելիցի երթի մասնակիցները ենթարկվելե ն ոստիկանների հարձակումներին։

Ինչպես տեղեկացնում է Ստամբուլի հայկական «Ակոս»-ը, ապրիլի 26-ին Ստամբուլի Քադըըքյոյի շրջանում «Ժողովուրդների դեմոկրատական» (HDP) կուսակցության եւ «Ժողովուրդների դեմոկրատական կոնգրեսի» (HDK) կողմից կազմակերպվել է Հայոց ցեղասպանության զոհերի հիշատակի երթ։

Երթի մասնակիցները պարզել են «Առերեսվում ենք Հայոց ցեղասպանության 100-րդ տարելիցին» կարգախոսները, սակայն ոստիկանները ստիպել են հեռացնել «ցեղասպանություն» բառով պաստառները, ինչին դեմ են դուրս եկել հավաքվածները։

Ոստիկանները, տեսնելով, որ երթի մասնակիցները շարունակում են պարզել պաստառները, հարձակվել են մասնակիցների վրա եւ 6 հոգու տարել ոստիկանատուն։