Դեռեւս պարզ չէ, թե ԵԽԽՎ բանախոսը կայցելի՞ Լեռնային Ղարաբաղ, թե՞ ոչ։ Այս մասին ապրիլի 27-ին հայտարարել է ԱԺ փոխխոսնակ, ԵԽԽՎ-ում հայկական պատվիրակության ղեկավար Հերմինե Նաղդալյանը՝ մեկնաբանելով բրիտանացի պատգամավոր Ռոբերտ Ուոլթերի զեկույցը։ Նա նշել է, որ Ուոլթերն արդեն եղել է Ադրբեջանում եւ ուզում է ժամանել Հայաստան։ Իհարկե, դեռ պարզ չէ, նա կայցելի արդյոք Լեռնային Ղարաբաղ՝ հակամարտության գոտի։ «Պարզ է մեկ բան. ԵԽԽՎ-ն պետք է ձեռնպահ մնա նման քաղաքական գնահատականներից, որոնք կարող են ազդել բանակցային գործընթացի վրա»,- եզրափակել է Նաղդալյանը։
Հիշեցնենք, որ ավելի վաղ հայկական կողմը բացասաբար էր արտահայտվել «Լեռնային Ղարաբաղում եւ Ադրբեջանի մյուս բռնազավթած շրջաններում բռնության էսկալացիան» վերնագրով զեկույցի կապակցությամբ։