Թեեւ Իսրայելի նախագահ Ռեուվեն Ռիվլինը հայ համայնքի ներկայացուցիչների հետ հանդիպմանը խուսափել էր օգտագործել «ցեղասպանություն» եզրույթը, թուրքական մամուլում մեծ արձագանք է գտել նախագահի օգտագործած «Հայերը մոդեռն զանգվածային ջարդերի առաջին զոհերն են» արտահայտություն։
Գրեթե բոլոր թուրքական լրատվամիջոցներն անդրադարձել են Իսրայելի նախագահի այս հայտարարությանը, իսկ որոշ լրատվամիջոցներ սա Թուրքիայի համար շոկային են համարել։
Turk Time-ը գրել է, թե Իսրայելի նախագահն էլ առիթը բաց չի թողել մյուսներից հետ չմնալու համար եւ մեղադրել է թուրքերին։
Asil Haber-ն այս լուրը վերնագրել է. «Իսրայելը արշավ է սկսել Թուրքիայի դեմ»։
Թուրքական Haberciniz կայքըը եւս անդրադարձել է՝ լուրը թողարկելով. «Իսրայելի կողմից Թուրքիային ուղղված հայկական ահազանգ» վերնագրով։
Mansethaber-ը այս լուրի կապակցությամբ գրել է. «Իսրայել պետությունից ամբարտավան խոսքեր»։
TurkishNY կայքն էլ գրել է. «Իսրայելից կեղտոտ հայտարարություն»։