Նեպալում երկրաշարժի զոհերի թիվը հասել է 4138-ի։ Այդ մասին հաղորդում է DPA գործակալությունը՝ վկայակոչելով Նեպալի ներքին գործերի նախարարությունը։ Եւս ավելի քան 6,5 հազար մարդ վիրավորվել է։
Նշենք, որ առավել ուժեղ ստորերկրյա ցնցումներ Նեպալում արձանագրվել են ապրիլի 25-ին, երկու ուժեղ ցնցում է եղել՝ 7,9 եւ 6,6 մագնիտուդով: Էպիկենտրոնը գտնվել է մայրաքաղաք Կատմանդուից 82 կմ հյուսիս-արեւմուտք։ Ավերվել է 1832 թվականին կառուցված 62-մետրանոց Ջարահարա աշտարակը, որը ներառված էր ՅՈՒՆԵՍԿՕ-ի համաշխարհային ժառանգության ցանկում:
Ավելի քան 200 մարդ համարվում է անհետ կորած Էվերեստում, որտեղ երկրաշարժից հետո սողանք է տեղի ունեցել: ՄԱԿ-ի գնահատմամբ, երկրաշարժի պահին աղետի գոտու տարածքում եղել է 6,6 մլն բնակչություն:
Երկրաշարժի հարուցած ձնահոսքի պատճառով երկու տասնյակից ավելի ալպինիստ է մահացել Էվերեստի վրա։