Եվրամիությունը չի կարծում, որ Իրանին С-300 զենիթահրթռիային համակարգեր մատակարարելու էմբարգոն հանելը կազդի Թեհրանի եւ «վեցնյակի» միջեւ բանակցությունների վրա։ Այս մասին հայտարարել է ԵՄ դիվանագիտության ղեկավարի պաշտոնական ներկայացուցիչ Քաթրին Ռեյը։
«Մենք հաշվի ենք առել Իրանին С-300 համակարգեր մատակարարելու Ռուսաստանի որոշումը։ Դա նոր հարց չէ, մենք մեր անհանգստությունն ենք հայտնել այդ որոշման կապակցությամբ։ Մենք չենք կարծում, որ դա կազդի բանակցությունների վրա»,- հայտարարել է Ռեյը ապրիլի 27-ի ճեպազրույցի ժամանակ, փոխանցում է «ՌԻԱ Նովոստի»-ն։
Նշենք, որ 2010թ. հունիսի 9-ի ՄԱԿ ԱԽ բանաձեւին միանալուց հետո Ռուսաստանը կասեցրել էր Իրանին սպառազինությունների եւ ռազմական տեխնիկայի մատակարարումները։ 2015թ. ապրիլին ՌԴ նախագահ Վլադիմիր Պուտինը հրաման էր ստորագրել, որով հանել էր այդ էմբարգոն։
