Ստամբուլահայ հայտնի ռոք երգիչ Հայկո Ջեփքինը միացել է Հրանտ Դինքի սպանության գործում արդարության համար պայքարող ակտիվիստների ակցիային։
Հայկո Ջեփքինը Twitter-ի իր էջում տեղադրել է Հրանտ Դինքի սպանության գործով հերթական դատական նիստին ներկա գտնվելու կոչ-պաստառը, որում գրված է. «Մարդասպանին պաշտպանողը սպանության հանցակիցն է։ Հրանտի համար, արդարության համար»։
Հրանտ Դինքի սպանության գործով հերթական դատական նիստը տեղի է ունենալու ապրիլի 28-ին, Ստամբուլի Չաղլայանի դատարանում։